Факултети хизмати молияви: фаъолияти таълими - Донишкадаи соҳибкорӣ ва хизмат
ФАКУЛТЕТИ ХИЗМАТИ МОЛИЯВӢ ВА ГУМРУК
Фаъолияти таълимӣ

Факултети хизмати молиявӣ ва гумрук дар бинои таълимии №2-и донишкада ҷойгир буда, дорои  толори лексионии замонавӣ, 30 синфхонаи таълимӣ иборат аз 900 ҷойи нишаст,   14 кабинети фаннӣ, 2 синфхонаи лингафонӣ, 1 лабораторияи гумрукӣ, 16 адад проектор, 16 адад  тахтаи  электронӣ,  26 адад компютерҳои фардӣ,  10  адад ноутбук буда, аксари дарсҳо бо истифода аз технологияҳои муосир гузаронида мешаванд.

 Дар факултет низоми кредитии таҳсилот пурра фаъол буда, дар шуъбаи рӯзона 32 гуруҳи таълимӣ- академӣ дар ду баст таҳсил менамоянд. Омодасозии мутахассисон дар факултет аз рӯи ихтисосҳои зерини ба талаботи бозори меҳнат ҷавобгуй ба роҳ монда шудааст.

 

ДАР ЗИНАИ БАКАЛАВРИАТ:

  1. 1-250104.02 - Кори бонкӣ

Хатмкардагони ин ихтисос, ҳамчун  мутахассиси маълумоти олидори дорои маҷмўи донишҳо дар самти амалиётҳои молиявию қарзӣ барои бонкҳои тиҷоратӣ, ташкилотҳои хурди қарздиҳӣ , молиявӣ ва амалиёти асъорӣ-қарзӣ, идораи амалиёт бо коѓазҳои қиматноки бонкҳои тиҷоратию давлатӣ кору фаъолият карда метавонанд.

2.   1-250104.03 - Андоз ва андозбандӣ

Хатмкунандагони ихтисоси мазкур  метавонанд дар мақомотҳои андоз, раёсатҳои молия, ширкатҳои сугуртавӣ ба ҳайси нозири андоз, иқтисодчӣ ва мутахассиси пешбар кору фаъолият намоянд.

3.  1-250104.00 -  Молия ва қарз  

Доираи фаъолияти касбии мутахассисони ихтисоси молия ва қарз нисбатан васеътар буда, дар бахши молияи корхонаю ташкилотҳо, шуъбаю раёсатҳои молияи шаҳру ноҳияҳо, мақомоти иҷрояи ҳокимияти давлатӣ ва намояндагиҳои ташкилотҳои хориҷӣ кору фаъолият карда метавонанд.

4.  1-25010410 Менеҷменти молиявӣ

Ҳамчун менеҷер оид ба молия дар мақомоти молия ва воҳидҳои сохтории он, департа-менти молиявии  корхонаҳо, бонкҳо, фондҳои сармоягузорӣ ва нафақавӣ ва дигар ташкилотҳои тиҷоратӣ кору фаъолият карда метавонанд.

5.  1-96010101 - Таъминоти ҳуқуқии фаъолияти гумрукӣ ва 1-96010102 – Таъминоти иқтисодии  фаъолияти гумрукӣ

Дар дидбонгоҳҳои назорати гумрукӣ, мақомоти идоракунӣ ва раёсатҳои минтақавии гумрукӣ ба ҳайси нозирони дидбонгоҳҳо, нозирони назорати гумрукии мусофирон дар фурудгоҳҳо, мутахассисони барасмиятдарории гумрукии мол ва воситаҳои нақлиёт ва ѓайра кору фаъолият менамоянд.

 ДАР ЗИНАИ МАГИСТРАТУРА:

       Ихтисосҳои
1- 250104.00 – Молия ва қ
арз;

1- 250104.02 – Кори бонкӣ;

1-96010102- Таъминоти иқтисодии фаъолияти гумрукӣ.