Конфронсҳои донишкада: Қисми илм - Донишкадаи соҳибкорӣ ва хизмат
Қисми илм
Конфронсҳои донишкада

ОИД БА КОНФРОНСҲО ВА ДИГАР ЧОРАБИНИҲОИ ИЛМӢ

    Яке аз самтҳои муҳими фаъолияти донишкада, ташкил ва баргузор намудани конфронсҳо, симпозиумҳо, форумҳо, семинарҳои илмӣ-назариявӣ, мизҳои мудаввар ва дигар чорабиниҳои илмӣ маҳсуб меёбад. Бо мақсади иҷроиши ин самти фаъолият, соли 2018 бо ташаббуси роҳбарияти донишкада ва Қисми илм ва робитаҳои хориҷӣ, дар ҳамкорӣ бо кафедраҳои зертобеи факултетҳо, инчунин мақомотҳои гуногуни давлатӣ 1 Форуми ҷумҳуриявӣ, 6 конфронси ҷумҳуриявӣ, 3 конфронси донишкадавӣ, 1 ҳамоиши илмӣ, 5 семинарҳои илмӣ-назариявӣ, 18 мизҳои мудаввар  ва 6 чорабиниҳои гуногуншакли илмӣ баргузор гардид, ки оид ба натиҷаи ҷамъбасти онҳо бо хулосаю пешниҳодот ба мақомотҳои дахлдор фиристода шуд.

    Қайд кардан бамаврид аст, ки силсилаи Нақшаи-чорабиниҳои Ҳукуматӣ оид ба таҷлили сазовори “Соли рушди сайёҳӣ ва ҳунарҳои мардумӣ”, ки бо амри Президенти Ҷумҳурии Тоҷикистон аз 20 январи соли 2018, №АП-992 тасдиқ гардидааст, маҳз бо иштироки бевоситаи устодон ва донишҷӯёни донишкада ва намояндагони мақомотҳои дахлдор дар Донишкадаи соҳибкорӣ ва хизмат доир карда шудаанд.Танҳо дар ин радиф, дар ҳамкорӣ бо мақомот ва идораҳои давлатӣ дар донишкада, 1 Форуми ҷумҳуриявӣ, таҳти унвони «Тоҷикистон дар фазои сайёҳии ҷаҳонӣ аз нигоҳи донишҷӯёни риштаи сайёҳӣ», 3 конфронси ҷумҳуриявӣ ва 1 ШОУ барномаи илмӣ-фарҳангии «Як рӯзи сайёҳӣ дар Донишкадаи соҳибкорӣ ва хизмат» гузаронида шудааст, ки саҳми кафедраи туризми донишкада дар ташкили чорабиниҳои зикршуда назаррас мебошад.

    Тибқи маълумотҳои ҷадвали овардашуда, донишкада тавонист дар соли 2018 дар доираи иҷроиши Нақша-чорабиниҳо, 39 чорабиниҳои гуногуншакли илмиро ба истиснои семинарҳои илмӣ-назариявии назди кафедраҳо баргузор намояд.

    Пеш аз ҳама, дар раванди баргузории чорабиниҳои доиргардида, таваҷҷуҳи асосӣ ба сифати баргузории онҳо дода мешуд. Бояд қайд кард, ки қисми бештари чорабиниҳои баргузоршуда тавассути воситаҳои ахбори омма, пеш аз ҳама ТВ «Тоҷикистон», Муассисаи давлатии телевизиони «Сафина», ТВ «Ҷаҳоннамо», Агентии иттилоотии «Ховар», “Радиои Тоҷикистон” ва Сомонаи донишкада пахш гардидаанд.

    Иштироки намояндагони вазорату идораҳои давлатӣ, аз қабили Вазорати саноат ва технологияҳои нави Ҷумҳурии Тоҷикистон, Вазорати маориф ва илми Ҷумҳурии Тоҷикистон, Вазорати молияи Ҷумҳурии Тоҷикистон, Кумитаи кор бо ҷавонон ва варзиши назди Ҳукумати Ҷумҳурии Тоҷикистон, Кумитаи рушди сайёҳии назди Ҳукумати Ҷумҳурии Тоҷикистон, Бонки миллии Тоҷикистон, Мақомоти иҷроияи ҳокимияти давлатии шаҳри Душанбе, Мақомоти иҷроияи ҳокимияти давлатии ноҳияи Фирдавсии шаҳри Душанбе дар кори чорабиниҳои илмии баргузоршудаи донишкада борҳо мушоҳида мегардад.

    Барои соли 2019 Нақшаи баргузории машваратҳои илмӣ,  конфронсҳо, симпозиумҳо ва семинарҳо дар Донишкадаи соҳибкорӣ ва хизмат аз љониби Ректори донишкада тасдиқ гардида, дар раванди иљроиш қарор дорад.