Шуъбаи робитаҳои хориҷӣ: Қисми илм ва робитаҳои хориҷӣ - Донишкадаи соҳибкорӣ ва хизмат
Қисми илм ва робитаҳои хориҷӣ
Шуъбаи робитаҳои хориҷӣ

Ҳайбатов Нормат Валиевич
Сармутахассиси Шуъбаи робитаҳои хориҷӣ
Суроға: 734055, ш. Душанбе, хиёбони Борбад 48/5
Тел: (+992 37) 234-88-03
+992   951541071; 919669599
E-mail: haibatov@mail.ru;
normatvalizade@bk.ru

 

         

Самтҳои фаъолияти бахши робитаҳои хориҷии донишкада

    Бахши робитаҳои хориҷии донишкада яке аз сохторҳои муҳими фаъолияти донишкада ба ҳисоб рафта ба шуъбаи илм ва робитаҳои хориҷии донишкада тобеъ мебошад.

    Донишкада бо мақсади пурзур намудани самаранокии робитаҳои беруна ва густариши ҳамкориҳо, бо бештар аз 80 ташкилоту созмонҳо, муассисаҳои илмиву таълимии ҷумҳурӣ ва хориҷӣ қарордодҳои ҳамкорӣ ба имзо расонида, фаъолияти гуногунҷанбаи соҳаро дар самтҳои гуногун ба роҳ монадааст. Аз ҷумла, чунин ҳамкориҳо бо донишгоњњои Федератсияи Россия, Қазоқистон, Қирғизистон, Чин, Эрон, Озарбойҷон, Британияи Кабир, Австрия, Италия, Испания, Украина ва  ѓайрањо ба роҳ монда шудаанд.

    Самтҳои асосии фаъолияти бахши робитаҳои хориҷӣ аз инҳо иборат мебошанд:

- бароҳмонӣ ва рушди минбаъдаи алоқаҳои самараноки ҳамкории муфиди донишкада бо муассисаҳои таълимӣ ва илмии ҷаҳон, тайёр кардани барномаҳои дуҷониба ва бисёрҷонибаи ҳамкорӣ дар соҳаи илм, маориф ва фарҳанг, аз ҷумла: иштирок дар коркарди созишномаҳо, барномаҳои корӣ, лоиҳаҳо бо ҳамкорони хориҷӣ, назорат аз рӯи иҷрои онҳо;

- гузаронидани конфронсҳои илмию амалӣ, симпозиумҳо, семинарҳо ва намоишгоҳҳо дар пояи донишкада;

 

- фиристодани устодон, аспирантон ва донишҷӯёни донишкада ба хориҷа барои таҳсил, таҷрибаомӯзӣ ва мубодилаи таҷриба;

- ба донишкада даъват намудани мутахассисони баландихтисоси хориҷӣ барои гузаронидани лексияҳо, машваратҳо ва таҳқиқотҳои муштараки  илмӣ, расонидани ёрии методӣ дар мукаммалсозии сохтор ва низоми таълим;

- батартибдарорӣ ва баҳосибгирии даъвати мутахассисони хориҷӣ, ташкили қабули ҳайати вакилони хориҷӣ, ки ба донишкада дар сатҳи раёсат ташриф меоранд, тайёр намудани барномаҳои боздид ва лоиҳаи хароҷотҳо доир ба қабули ҳайати вакилон;

- татбиқи чораҳо оид ба васеъсозии содироти хидматгузориҳои маълумотнокӣ, аз ҷумла: амалӣ сохтани ҳамкории мутақобила бо мақомоти давлатӣ, ташкилотҳои ҷамъиятӣ ва шахсони воқеӣ аз рӯи масъалаҳое, ки ба робитаҳои байналмилалӣ, боздид ва таҳсили шаҳрвандони хориҷӣ алоқаманданд;

- таъмини амаликунии мутақобилаи қисматҳои сохтории донишкада дар соҳаи ҳамкории байналмилалӣ, аз ҷумла: тайёр намудани пешниҳод оид ба муайянсозии самтҳои афзалиятноки фаъолияти байналмилалии донишкада; тайёр намудан ва таҳлили ҳуҷҷатҳое, ки фаъолияти байналмилалиро дар донишкада ба тартиб медароранд (низомномаҳо, фармонҳо, тавсияҳои методӣ ва ғайра), инчунин самаранокии сафарҳои корӣ ба хориҷа; мутобиқгардонии кори қисматҳои донишкада оид ба иштирок дар барномаҳо ва лоиҳаҳои байналмилалӣ;

- расонидани ёрии методӣ дар асоси омӯзиши таҷрибаи байналмилалӣ ба қисматҳои сохтории донишкада оид ба коркарди барномаҳо ва нақшаҳои таълимию методӣ, масъалаҳои тайёр кардани мутахассисон барои давлатҳои хориҷӣ, инчунин гузаронидани чорабиниҳои байналмилалӣ.

    Боиси тазаккур аст, ки донишкада дар асоси пешбурди фаъолияти робитаҳои хориҷӣ узви комилҳуқуқи Донишгоҳи байналмилалии Авруосиё дар соли 2017 гардидааст.