НАВИДҲО - Донишкадаи соҳибкорӣ ва хизмат
НАВИДҲО

Нишасти сарони фирорӣ ва террористӣ эълоншудаи Ҳизби наҳзати исломии Тоҷикистон, ки рўзи 19.07.2018 дар шаҳри Дортмонди Олмон таҳти унвонии “21 -солагии сулҳи тоҷикон” баргузор  гардид, як навъ дасисаи навбатии М.Кабирӣ ва ёрону тарафдоронаш маҳсуб меёбад. Дар ин ҳамоиш на аз сулҳ ва на аз дастовардҳои он, балки аз даъво ва мансабу қудратхоҳӣ ҳарф дар миён буд. Кабирӣ ва ҳаммаслаконаш бо роҳи дурўғпароканӣ ва  таъсир расонидан ба зеҳнҳо ҳарфҳои дарҳаму барҳам ва зидду нақизро дар миён гузоштаанд. Масалан, Кабирӣ дар суханронии хеш даъво пеш меоварад, ки чаро созишномаи сулҳро то ҳол ба нашр намерасонанд, зеро метарсанд. Ин як ҳарфи бепоя ва ғайримантиқӣ аст. Зеро созишнома ва бандҳои асосии он борҳо ба нашр расидаанд. Аз ҷониби дигар, бандҳои асосии созишномаи мазкур бояд дар давоми 18 моҳи имзои созишнома пурра ба амал татбиқ меёфтанд, ки татбиқи хешро ёфтанд. Тибқи созишномаи мазкур, 30 дар сади мансабҳои давлатӣ ба Иттиҳоди нерўҳои мухолифин вогузор шуданд. Аҷиб ин аст, ки ҷаноби Кабирӣ то замоне, ки дар Тоҷикистон фаъолият дошт ва  соҳиби тиҷорату мансабҳои давлатӣ буд, гўё ин масъаларо дарк намекард ва акнун, ки пас аз кудатои нофарҷом ва даст ба силоҳу аз байн бурдани суботу осоши кишвар зада, дар хориҷи кишвар паноҳ бурдааст, чунин вонамуд мекунад, ки гўё ин масъалаҳо нав ба миён омада бошанд. Дар ин баромад Кабирӣ даъво дорад, ки дгар ба муборизаи хашин хоҳанд гузашт, суоли матраҳ он аст, ки ҲНИТ-ӣён кай ва дар кадом замон онҳо муборизаи осоишта доштанд? Кабирӣ ва ёрони дигари фирориаш ҳангоми дар дохили кишвар будан ҳам борҳо кўшиши ноором кардани вазъи сиёсӣ ва аз ин роҳ баровада кардани хоҳишҳои хешро дар миён гузошта буданд, ки намунаҳои он иддаи нороомиҳо дар водии Рашту Бадахшон ба ҳисоб мераванд.

 Вакти нашр: 2018-07-20  |  Нигариданд: 1  | Муфассал


Озодӣ ва истиқлолият дар ҳар давру замон неъмати бебаҳо ва волои ҳаёти инсон, нишонаи барҷастаи симо ва ташаккули таърихӣ, кафили пешрафт, рамзи асолату ҳуввият ва шарти бақои миллат ва пойдории давлат  мебошанд. Гузашта аз ин, истиқлолият мазҳари идеалу ормонҳои таърихӣ, шиносномаи байналмилалӣ, замонати ҳастии воқеӣ ва шарофату эътибори ҷаҳонии миллат аст.

Таҷрибаи башарӣ собит месозад, ки озодӣ ва истиқлол бо осонӣ ба даст намеояд. Мо миллатҳо ва халқҳои зиёдеро медонем, ки дар гузаштаи на чандон дур ва ҳоло низ барои дастёбӣ ба истиқлолият даҳсолаҳо пайкор намудаанд ва дар ин роҳ ҳазорон  фарзандони огоҳ ва асили худро аз даст додаанд. Барои мисол халқи курдро гирем, дар Эрон 7% дар Ироқ 15 % ва дар Туркия 17 % -и аҳоли курдҳо мебошанд. Дар тамоми ҷаҳон зиёда аз 82 миллион халки курд зиндагӣ мекунанд вале давлати худро надоранд. 

Агар мо раванди зуҳур ва таърихи ташаккули истиқлоли  миллатамонро амиқан баррасӣ намоем, равшан хоҳем дид, ки роҳ ба сўи истиқлолият душвору тўлонӣ, пур  аз шебу фароз ва саршор аз муборизаву иштибоҳот ва равандҳои ихтилофомезу зиддиятнок будааст.

 Вакти нашр: 2018-07-20  |  Нигариданд: 4  | Муфассал


Забони ноби тоҷикӣ, ки таърихи хеле кўҳан дорад, забони мо миллати тоҷик ва гузашта аз ин забони давлату давлатдории ин миллати созандаю ваҳдатофаранда мебошад. Аз замони ба даст овардани истиқлолият забони тоҷикӣ ба сифати забони давлатӣ дар умури сиёсӣ, иқтисодию иҷтимоӣ мақому мартаба пайдо карда, дар соҳаҳои коргузориву эҷоди қонунҳо, илму маориф, фарҳанг ва робитаҳои дохиливу хориҷии кишвар ба таври густурда мавриди истифода қарор дода шуд. Забони мо дар ҳама даврони таърихи гузашта аз омилҳои муҳими иттиҳоди мо буд. Ин иттиҳод бояд дар зеҳни мардум, бахусус насли ҷавон ҳарчи бештар парвариш дода шавад.

Забони мо ба сарзаминҳо ва кишварҳои дигар аз рӯи ҳамин суннатҳои адабии хаттӣ густариш пайдо кардааст, ки намунаи барҷастаи он истифодаи забони тоҷикӣ дар Афғонистон, Эрон ва Ҳиндустон мебошад. Ҷойи ифтихор аст, ки забони мо дар ин кишварҳо замони тӯлонӣ дар мақоми забони расмӣ қарор дошту дорад, осори ниҳоят фаровони адабӣ, таърихӣ, илмӣ, ҳамчунин фарҳангномаҳо ва дастурҳои омӯзиши ин забон таҳия ва таълиф гардидаанд.

Имрӯз дар давлатдории навин мо ба асолати забони пуриқтидори хеш бармегардем. Забони адабии мо, ки дар аҳди Сомониён дар мақоми забони давлатӣ ташаккул ёфтааст, имрӯз дар замони давлатдории навин низ ба ҳайси забони давлатӣ хизмат менамояд.

 Вакти нашр: 2018-07-20  |  Нигариданд: 2  | Муфассал