logo
  • 861
  • 26.10.2019
  • Комментарии к записи Факултети сайёҳӣ ва соҳибкорӣ отключены

Факултети сайёҳӣ ва соҳибкорӣ

Декани факултет: Мирсаидов Фаридун Аброрович — номзади илмҳои сиёсӣ, дотсент

Суроға: 734055, ш. Душанбе, хиёбони Борбад 48/5, бинои 1, ошёнаи 1.

Тел.: +992 92  705 00  10  

Почтаи элекронӣ: mirsaidov-84@mail.ru

 

Маълумот оиди факултет

       Факултети сайёҳӣ ва соҳибкорӣ яке аз ҷавонтарин факултетҳои Донишкадаи сайёҳӣ, соҳибкорӣ ва хизмат ба ҳисоб меравад.

       Факултети мазкур дар соли 2020 дар заминаи факултети сайёҳи ва соҳибкорӣ ва иқтисоди ҷаҳон таъсис дода шудааст.

       Факултети сайёҳӣ ва соҳибкорӣ яке аз сохторҳои таркибии донишкада мебошад, ки дар самти омодасозии кадрҳои баландихтисоси соҳаи сайёҳӣ, соҳибкорӣ ва меҷемент саҳми арзанда гузошта истодааст.           Дар факултет ҳамасола шумораи зиёди мутахассисон дар зинаҳои бакалавриат ва магистратура омода карда мешаванд дар тамоми давраи фаъолияти худ стратегияи амиқи тайёр намудани  мутахассисони баландихтисосӣ соҳаҳои, сайёҳат ва меҳмондорӣ, иқтисодиёт ва идораи сайёҳӣ, менеҷмент дар соҳаи сайёҳии байналмилалӣ, фаъолияти меҳмонхонавӣ, ба роҳ монда шудааст.

       Маврид ба тазакур аст, ки Тоҷикистон ҳамчун кишвари рӯ ба инкишоф ба манбаъҳои гуногуни мусоидаткунанда ба ташаккул ва рушди имкониятҳои иқтисодӣ ниёз дорад, ки яке аз чунин манбаи муътамад ва устувор туризм мебошад.

       Бинобар ин ба мутахассисони соҳаҳои зикргардида мунтазам афзоиш ёфта истодааст ва ин ҳолат зарурати пайваста ба дастовардҳои муосири бозорӣ  мутобиқ сохтани раванди таҳсилотро ба миён мегузорад.

       Дар факултет шӯъбаи рӯзона мавҷуд мебошад, ки  зиёда аз 920 нафар донишҷӯён аз Тоҷикистон ва кишварҳои хориҷа таҳсил доранд, ҳайати профессорону устодон 60 нафарро ташкил дода, аз онҳо 4 нафарашон доктори илм, профессор, 13 нафарашон дараҷаи номзади илм доранд. Алҳол тайёр намудани мутахассисон аз рӯи чор ихтисос ба роҳ монда шудааст.

       Таъминоти моддӣ-техникӣ ва кадрии факултет ба меъёрҳои муосири таҳсилоти олӣ ҷавобгӯй буда, дорои 20 синфхонаи таълимӣ, 2 лабораторияи сайёҳӣ, 2 лабораторияи компютери мансуби кафедраҳо буда, синфхонаҳои лексионӣ бо проектор ва тахтаҳои электронӣ муҷаҳҳаз гардонида шудаанд. Умуман, тамоми шароити таълимӣ ва имкониятҳои таҳсил барои донишҷӯён дар факултет муҳайё карда шудааст. Раёсати донишкада пайваста кӯшиш менамояд, ки ҷиҳати баланд бардоштани сатҳи сифати омода намудани мутахассисони баландихтисос, тамоми имконоту захираҳоро истифода намояд.

       Инчунин дар факултет тамоми шароитҳо барои фаъолияти илмӣ ва ихтирокории донишҷӯён фароҳам оварда шудааст. Дар факултет тайёр намудани мутахассисон аз рӯи низоми бисёрзинагӣ – бакалавриат (4 сол), магистратура (2 сол) ва докторантура (PhD – 3 сол) ба роҳ монда шудааст.

       Дар факултет машғулиятҳо танҳо дар шакли таҳсили рӯзона ба роҳ монда шудааст. Инчунин, қайд кардан ба маврид аст, ки дар факултет донишҷӯён дар гурӯҳҳои шакли забонҳои тоҷикӣ, русӣ ва англисӣ ба дарс фаро гирифтаанд.

       Дар факултет 30 гурӯҳҳои таълимӣ-академӣ аз курсҳои 1 то 4  мавҷуд мебошад Курсҳои 1-ум – 11 гурӯҳ, курсҳои 2-юм – 8 гурӯҳ, курсҳои 3-юм – 6 гурӯҳ ва курсҳои 4-ум 5 – гурӯҳ дар маҷмӯъ 920 нафар донишҷӯёнро айни замон ташкил намуда истодааст.

       Қайд кардан ба маврид аст, ки дар факултети сайёҳӣ ва соҳибкорӣ дар маҷмӯъ теъдоди устодон зиёдаз 45 нафарро ташкил медиҳад, ки аз онҳо 3 нафар профессор, 13 нафар номзадони илм, дотсентон мебошанд.

       Мақомоти олии идоракунии факултет Шӯрои олимон мебошад, ки аз 13 аъзо иборат мебошад. Дар ҷаласаҳои Шӯрои олимони факултет масоили рӯзмаррае, ки бо фаъолияти таълимӣ, илмӣ ва ташкилӣ-тарбиявӣ алоқаманд мебошанд, баррасӣ карда мешаванд.

       Дар ҳамаи кафедраҳои факултет маҳфилҳои илмии донишҷӯён амал мекунанд, ки шумораи зиёди донишҷӯёнро доир ба ин ё он фан муттаҳид месозанд. Дар вақтҳои озод донишҷӯёни факултет имконият доранд, ки дар толори варзиш ва майдончаҳои варзишии донишкада ба намудҳои гуногуни варзиш машғул шаванд.

       Қайд намудан зарур аст, ки донишҷӯи курси 2-юми ихтисоси 1-250107.11 “иқтисодёт ва идора дар корхонаҳои саноатӣ” Ҷовидони Саид дар озмуни ҷумҳурияви “фуруғи субҳи донои китоб аст” баромад намуда дар ноҳия ба гирифтани ҷои дуюм сазовор гашт, донишҷӯдухтарони курси 2-юми ихтисоси 1-890101.00 “саёҳат ва меҳмондори” Бадалбекова Замира Алидодовна ва Хуршедодова Аниса аз дастаи волейболи донишкада баромад намуда дар байни муасисаҳои таҳсилоти олии касби ҷоии авалро сазовор гаштаанд.

       Сатҳи хуби таҳсил ва иштироки фаъолона дар маҳфилҳои илмӣ, ҳамчунин ширкат дар чорабиниҳои мухталифи таълимӣ-тарбиявӣ ва фарҳангӣ- фароғатӣ  ба баланд бардоштани сатҳи азхудкунӣ ва омодашавии касбии донишҷӯён мусоидат менамояд. Бинобар ин, аксар донишҷӯён аз курсҳои 2-юм ва 3-юм шурӯъ намуда, бо ташкилотҳои байналмилалӣ фаъолона ҳамкорӣ менамоянд ва дар оянда ба кор низ қабул мешаванд.

 

       ТАЛАБОТҲО НИСБАТИ МУТАХАССИС:

  • донистани ду забони хориҷӣ;
  • дарки амиқи соҳаҳои гуногуни сайёҳӣ ва иқтисодиёт;
  • истифода бурдан аз технологияҳои навъи муосир;
  • бланд будани фарҳанги одоби муоширати касбӣ;
  • доштани қобилияти хуби таҳлили.
Ҳайати деканат

       Раванди таълим дар факултет аз ҷониби деканати факултет идора карда мешавад, ки дар ҳайати он декан – Мирсаидов Ф.А муовини декан оид ба таълим – Файзов Н. ва ҷонишини декан оид ба тарбия – Исмоилов Ҷ. инчунин мудирони кафедраҳои факултет – Қурбонов Ё.С, Изатов Қ., Ҳабибулоев М.Ҳ., ва Мустафоқулов Ш  ва раиси Шўрои олимон ва муҳаққиқони ҷавони факултет, раиси Иттифоқи касабаи кормандони факултет ва ҳуҷҷатгузор шомиланд.

Мирсаидов Ф.А — декани факултет, номзади илмҳои сиёсӣ, дотсент

Тел.:    +992 92  705 00  10

Почтаи элекронӣ: mirsaidov-84@mail.ru

 

 

Файзов Н — ҷонишини декан оид ба таълим

Тел.: 918 14 15 53

Почтаи элекронӣ: nazr.faizov@mail.ru

 

 

Исмоилов Ҷ — ҷонишини  декан оид ба тарбия

Тел.: 98 729 41 69

Почтаи элекронӣ:

 

Фаъолияти таълимии факултет
Фаъолияти илмӣ-тадқиқотии факултет
Корҳои тарбиявӣ, ҷамъиятӣ, фарҳангӣ ва ғоявию сиёсӣ
Робитаҳои берунаи факултет

Сӯҳбат пӯшида аст.