logo

ЛИТСЕЙИ ДОНИШКАДА

Мирзоев Бобо Муродқулович Директори литсейи Донишкадаи сайёҳӣ, соҳибкорӣ ва хизмат
Суроға: 734055, ш. Душанбе, хиёбони Борбад 48/5, бинои таълимии №3,  қабати 3, қабулгоҳ
Тел.: (+992) 98 556 36 00
E-mail:

 

 

 

Маълумоти мухтасар дар бораи литсейи донишкада
   Литсейи Донишкадаи сайёҳӣ, соҳибкорӣ ва хизмат 15 апрели соли 1998 дар ҷаласаи Шӯрои олимони Донишкадаи соҳибкорӣ ва хизмат ҳамчун гимназия таъсис дода шуда буд. Гимназияи Донишкадаи соҳибкорӣ ва хизмат то соли 2012 фаъолият намудааст.  30 майи соли 2012 таҳти №117-5.2 дар асоси қарори Шӯрои олимони донишкада аз  гимназия ба литсейи донишкада табдил дода шуда, то ба имрӯз фаъолият карда истодааст.

     Литсейи Донишкадаи сайёҳӣ, соҳибкорӣ ва хизмат ҳамчун муассисаи таълимии ғайритиҷоратии сохтори таркибии Донишкадаи сайёҳӣ, соҳибкорӣ ва хизмат буда, дар асоси иҷозатномаи АУ № 0002210, аз 28.12.2016, ки аз тарафи Вазорати маориф ва илми   Ҷумҳурии Тоҷикистон дода шудааст, фаъолияти таълимиро дар доираи таҳсилоти миёнаи умумӣ амалӣ мегардонад.

     Литсей хонандагонеро, ки қобилияти баланди зеҳнӣ ва майлу рағбати хос ба фанҳои табиию риёзӣ доранд, дар асоси озмун қабул менамояд.

     Шумораи умумии хонандагон дар соли таҳсили 2019-2020 719 нафарро ташкил намуда, аз онҳо  233 нафарашон духтарон мебошанд. Органи олии литсей шӯрои педагогӣ мебошад, ки дар ҳамбастагӣ бо шӯрои методӣ, шӯрои бонувон, иттифоқи касаба ва шӯрои волидон фаъолият менамояд.

     Дар литсей 5 иттиҳодияи методии фаннӣ ва 10 маҳфилҳои гуногун амал мекунанд, ки дар онҳо шумораи зиёди хонандагони литсей аъзо мебошанд. Хонандагони литсей дар олимпиадаҳои фаннии ноҳиявӣ ва шаҳрӣ иштирок намуда, ҷойҳои ифтихориро соҳиб мешаванд.

      Айни замон дар литсей се нафар хонандагон аз фанҳои биология, ҳуқуқ ва забони тоҷикӣ дар озмуни шаҳрӣ ҷойҳои намоёнро соҳиб гардида, 2 нафар аз онҳо (Қодирова Лайло-хонандаи синфи 11 аз фанни биология ва Саидов Муҳиддин аз фанни ҳуқуқ)   ба озмуни ҷумҳуриявӣ роҳхат гирифтанд. 1 нафар ғолиби озмуни шаҳрӣ аз синфи 9 аз фанни забон ва адабиёти тоҷик, ҳамчун ғолиби ҷойи сеюм аз тарафи Мақомоти иҷроияи ҳокимияти давлатии шаҳри Душанбе, Сарраёсати маорифи шаҳри Душанбе сазовори Диплом ва медали дараҷаи 3 гардонида шуд.

      Инчунин, 2 нафар хонандагони литсей гирандаи стипендияи Президентӣ ва 1 нафар гирандаи стипендияи Раиси шаҳри Душанбе мебошад. Литсей дорои 30 синфхонаи таълимии муҷаҳҳаз мебошад. Ду  дарсгоҳи технологияи иттилоотӣ, ки дорои зиёда аз 20 компютер ва 19 нетбоок, дарсгоҳи химия бо озмоишгоҳаш, дарсгоҳи физика бо озмоишгоҳаш, дарсгоҳҳои забонҳои тоҷикӣ, англисӣ, русӣ, технология (духтарона ва писарона), бо 5 дона тахтаи электронӣ, ки таҷҳизонида шудаанд, амал мекунад.

     Таълим дар литсей бо ду забон (тоҷикӣ ва рӯсӣ) ба роҳ монда шудааст, ки бо омӯзгорони соҳибтаҷриба таъмин гардидаанд. Дар литсей ҳамасола гузаронидани озмунҳои «Шоҳномахонӣ»,, «Рӯдакихонӣ», «Мавлавихонӣ» ва «Қироати шеър» ба ҳукми анъана даромадааст. Барои баланд бардоштани ҳисси ватандустӣ ва ифтихори миллӣ дар байни хонандагони литсей озмуни “Иншои беҳтарин” дар мавзӯъҳои “Забон рукни асосии давлатдорӣ”, “Кафили сулҳу ваҳдати тоҷикон”, “Пешвои муаззами миллат”, “Об-манбаи ҳаёт”, “Парчам-ифодагари ваҳдат”, “Душанбе-шаҳри сулҳ”, “Қаҳрамонони Тоҷикистон” гузаронида мешавад. Ҳамчунин, дар литсей як қатор вохӯриҳо бо кормандони ҳифзи ҳуқуқ, тандурустӣ, маркази миллии тестии назди дастгоҳи иҷроияи Президент, бо адибон ва нависандагон, алалхусус, бо муаллифи суруди миллии Ҷумҳурии Тоҷикистон Гулназар Келдӣ гузаронида шуданд.

      Дар баробари ин, дар литсей оид ба гузаронидани ҷашнвораҳои бузургони тоҷику ёдгориҳои беназири гузаштаи халқи тоҷик таваҷҷуҳи хоса зоҳир карда мешавад, ки дар он саҳми хонандагони литсей назаррас мебошад.

       Хатмкунандагони литсей ҳамасола баъди хатми (зиёда аз 99 дар сади онҳо) ба муассисаҳои таҳсилотии олии касбии дохили кишвар ва берун аз он дохил шуда, соҳиби касбҳои интихобкардаи хеш мегарданд.

        Дар литсей зиёда аз 40 нафар омӯзгорон кору фаъолият доранд, ки қисми зиёди онҳо омӯзгорони соҳибтаҷриба мебошанд. 26 нафар омӯзгорон дорои тахассуси олӣ, 4 нафар тахассуси якум, 7 нафар тахассуси дуюм ва 5 нафар дорои тахассуси умумӣ мебошанд. Зиёда аз 5 нафар омӯзгорони литсей сазовори унвони “Аълочии маорифи Тоҷикистон”  мебошанд.

       Вазифаҳои асосии литсей аз таълими босифати кӯдакон, имконияти беҳтарини ҷорӣ намудани талаботи эҷодӣ, мустақилона ҳосил намудани малака, ба кори илмӣ машғул шудан ва тайёр шудан ба таҳсили оянда дар Донишкадаи, сайёҳӣ, соҳибкорӣ ва хизмат ва дигар муассисаҳои таҳсилоти олӣ ва миёнаи касбӣ иборат мебошад.

      Бинои литсей ба пуррагӣ аз таъмир бароварда шудааст ва барои таҳсили босифат ва талаботи замон ҷавобгӯйи хонандагон ҳамаи шароитҳо муҳайё карда шудааст.

      Литсей дорои китобхонаи алоҳида мебошад ва дар баробари ин, хонандагони литсей аз китобхонаи илмӣ ва электронии Донишкадаи сайёҳӣ, соҳибкорӣ ва хизмат бемамоният истифода мебаранд.

      Роҳбарияти литсей барои баланд гардидани сатҳи дониши хонандагон, ба талаботи замон ҷавобгӯй гардонидани фаъолияти литсей, бо маводи таълимии замонавӣ таъмин намудани муассиса ҳамеша кӯшиш ба харҷ медиҳанд ва кафолати сифати баланди дониши хонандагонро бар зимма мегиранд.

Ҳайати устодони литсей
Маълумот вуҷуд надорад!!!
Фаъолияти илмӣ-тадқиқотии литсей
Маълумот вуҷуд надорад!!!
Семинари илмӣ-назариявӣ ва маҳфили илмии литсей
Маълумот вуҷуд надорад!!!